Tesla Model 3 補品 List

剛買了新車當然想好好保護自己部愛車,Model 3 內籠太簡約及太脆弱關係,我過程中購買了不少補品去完善部車,個人喜歡簡約,所以購買回來的補品都以 minimal design 為主。

tesla-guide-hk-model-3-screen-protector

屏幕保護貼

必買指數 9/10

其實真係無得唔貼,唔小心整花左就喊都無謂。貼上屏幕保護貼除了有保護性外,防油及防指紋方面都會比較好,日常要清理屏幕都相比無貼容易。但個人建議一次最好買 2 塊,因為呢種係屬於玻璃膜,咁大塊一屈曲少少就會爛,第一次貼唔小心用錯力整爛都好正常,加上買兩塊抵啲,所以建議一次過買定 2 塊穩陣。

tesla-guide-hk-model-3-review-16

中控收納盒

必買指數 10/10

中控下面的 storage 設計很深,但因為沒有任何間隔所以很容易非常凌亂,有了這個中控收納盒後,分為上下兩層,上層再細分間隔,自然有條理很多。

tesla-guide-model3-accessories-3

車門及腳踏保護貼

必買指數 10/10

車門和腳踏位可以話係重災區,本身身邊家人、朋友唔會特別同你錫住黎上落車,尤其係我個仔,再加上本身物料很易花,收車不足 2 星期已經花花地,所以急急腳買保護貼返黎保護好。

tesla-guide-model3-accessories-0

⬆︎ 車門和腳踏位可以話係重災區

tesla-guide-model3-accessories-2

⬆︎ 貼完放心晒

tesla-guide-model3-accessories-1

⬆︎ 後座都有貼

tesla-guide-model3-accessories-3

⬆︎ 貼左好似無貼一樣

電頭尾冚

必買指數 9/10

原廠沒有 option 可以升級電頭冚,但可以出面 aftermarket 裝。揸開 Tesla 都知道,車頭冚都要幾用力關上,而且力度唔平均的話頭冚會很容易歪,最大問題係頭冚會好多手印,又整汚糟手。裝了「電頭冚」後,可以用手機 App 或車內 dashboard 開啟頭冚 (駁了 Siri Shortcut 後甚至可以「喂 Siri,開車頭冚」),自動全開,唔使再人手拉上。車頭冚內本身有粒制,裝上電頭冚後可以按這粒制關上,非常方便。常用到車頭冚的朋友,「電頭冚」非常裝得過!

唔止 Model 3,Model S / X 都可以升級的。有興趣升級做電頭尾門的朋友,可以去 Tesla Offers HK 搵 Raymond 同 Warren,佢地做電頭尾門升級做到衝出香港,香港最具經驗應該係佢地,誠意推介。Tesla Offers HK

車廂 HEPA 濾網

必買指數 9/10

Tesla Model 3 本身個原廠空氣濾網唔係 HEPA 級數,車廂內空氣質素始終唔及有 Bioweapon Defense Mode (生化武器防禦模式) 的 Facelift Model S 和 Model X 咁好。加上冷氣的 Auto Mode 成日都會突然轉做外循環 (生風),車廂往往就明顯多好多廢氣。HEPA filter 正好大幅減低這個問題。

tesla-guide-hk-model-3-hepa-filter-replacement-2
tesla-guide-hk-model-3-hepa-filter-replacements-2

記住,無數據話裝左 HEPA Filter 係可以隔絕 COVID 19,但空氣偵測機上數據既 PM2.5 同 PM1.0 的確減到去得返 0-1μg/m³。至少轉左用 HEPA Filter 呢一段時間,我覺得空氣真係好清新,針對香港近期環境問題,成件事安心好多。

出 Post 至今剛剛好 5 個月,原以為空氣淨化率會有所下降,這多個月來我都有將空氣偵測器放在車內,每隔一星期左右都會測試一下空氣質素,但到目前為止,無論內循環還是內循環,空氣淨化率沒有絲毫下降。

HEPA Filter 詳細開箱文購買連結

車漆鍍膜 / PPF

必買指數 9/10

Tesla 車友給我介紹的,最近在 Facebook 上的評語很好,自己都幫親過,如果你很愛惜自己的車輛,追求 High-End Detailing 的話,我想誠心推介這一間我覺得很具質素的施工店。

店主 KC 對 Tesla 都十分了解,而且感覺到這間施工店員工都很斯文和有墨水,店舖亦很光鮮整齊。站在客人角度解決問題,他們會因應你的日常泊車環境及使用狀況建議你做鍍膜還是 PPF,不會硬推最高價錢的 service plan。而且見過他們鍍膜和 PPF 的制成品水準都很高,睇得出對花痕十分執著。

img_3535

⬆︎ 完成品質素十分高

tesla-guide-ic-autodetail-10

⬆︎ 包邊及角位手工很好

當然,每個車主要求都不同,有的不會做任何車漆保護,有的不希望花太多錢,打下蠟就算數,亦有一些希望得到高質素的交車水準,同時有良好的服務及售後服務。我就是屬於後者,可能我從事跟美感及服務有關的行業,所以比較著重服務和質素,$2,000 可以做鍍膜,$10,000 都可以做鍍膜,差別就是自己如何 value 這件事,我認為差別從不止於價錢,對我而言,沒有質素的服務,$2,000我都嫌俾多。希望這個經驗和推介幫到大家!IC Auto Detail

Comments to: Tesla Model 3 補品 List

登入

歡迎加入 Miracoup
方便的閱讀是您能感受到的第一件事。
加入 Miracoup